 Ապրիլի 24-ը մեզանում միշտ մնալու է հայ ժողովրդի ողբերգական պատմության ամենածանր էջերից մեկը: Յուրաքանչյուր տարի այդ օրն Իսրայելահայ համայնքը Մայր հայրենիքի և սփյուռքի մյուս հայկական գաղթօջախների հետ միասին սգում է այն 1.5 մլն. անմեղ նահատակների հիշատակը:
Ինչպես նախորդ տարիներին այնպես էլ այս տարի Իսրայելի բոլոր հայկական եկեղեցիներում հիշատակության արարողություններ են անցկացվելու, ծաղկեպսակներ են դրվելու Ժառանգավորաց վարժարանի բակում գտնվող խաչքարերի մոտ, ջահերով երթ և ամենագլխավոր իրադարձությունը՝ թուրքիայի դեսպանատան(Թել-Ավիվ) և հյուպատոսարանի(Երուսաղեմ) դիմաց կազմակերպվող ցույցերն են:
ԱՊՐԻԼԻ 24
Երկրի կենտրոնի, հարավի և հյուսիսի հայերը Թել Ավիվի ոստիկանության թույլտվությամբ հավաքվելում են Թել Ավիվի ծովափնյա Բեյտ Օպերայի շատրվանների դիմաց, որտեղից ժամը 15:00 - ին կմեկնարկի ոստիկանների ուղեկցությամբ բողոքի երթը դեպի թուրքական դեսպանատուն: Ժամը՝ 16:00 - ին կմեկնարկի արտոնված ցույցն, որը կավարտվի ժամը 17:00 - ին:
Այնուհետև Թել Ավիվ -Յաֆոյի Սրբ.Նիկողայոս վանքում 18:00 տեղի կունենա աղոթք՝ Հայոց Ցեղասպանության նահատակների հիշատակին՝ ոգեկոչելով Ցեղասպանության 103 - րդ տարելիցը:
Պետախ-Տիկվայի բնակիչներն, որոնք չունեն մեքենաներ ցույցին մասնակցելու համար խնդրվում է լրացուցից կապ հաստատել «Նաիրի» և «Նոյան Տապան» միությունների ղեկավարության հետ:
«Նոյան Տապան» միության ջանքերով Պետախ տիկվայի քաղաքապետարանը ավտոբուս է տրամադրել ու գրանցված քաղաքացիներին խնդրվում է լինել քաղաքապետարանի դիմաց Խայիմ Օզեր փողոցի կողմից ժամը 13:30 - ին որպեսզի 13:45 - ին ավտոբուսը շարժվի դեպի Թել Ավիվ:
Իսրայելահայերի հայկական միությունների անունից կոչ ենք անում բոլոր հայերին, մասնակցել ոգեկոչման արարողություններին ու հարգանքի տուրքը մատուցել մեր անմեղ զոհերի հիշատակին:
| 
