Ն ա ի ր ի

                   Н а и р и                

N a i r i

Меню сайта

Категории каталога
Новости [591]
 
Праздники Армении
Праздники Армении
 

Мини-чат
500

Погода
 
Обратная связь
To: Artiom Chernamorian
 
 



Главная » Файлы » Новости » Новости

Հայ կոմպոզիտոր, երաժշտագետ - ֆոլկլորիստ։ Սերգեյ Մարկոսյանի նվերը համայնքին
[ ] 30.11.2016, 15:39

        

Հայ կոմպոզիտոր, երաժշտագետ - ֆոլկլորիստ։ Սերգեյ Մարկոսյանն իր Իսրայել կատարծ այցի ընթացքում հանդիպում է ունեցել Պետախ Տիկվայի իսրայելահայերի «Նաիրի» միության հիմնադիր կազմի անդամների հետ ու հայ մտավորականը դատարկաձեռն չէր եկել Սուրբ Հող:  Նա շատ արժեքավոր նվերներ էր բերել համայնքին: «Արցախյան դեմքեր և դեպքեր» և «Արցախի ժողովրդական երաժիշտներ» - իր հեղինակած գրքերն էր բերել, որոնք նա փոխանցեց Պետախ Տիկվայի հայկական համայնքին:​

Պետախ Տիկվայի իսրայելահայերի «Նաիրի» միության հիմնադիր կազմի անունից հայտնում ենք մեր խորին երախտագիտությունը նման թանկարժեք նվերի համար:

Հայ կոմպոզիտոր, երաժշտագետ - ֆոլկլորիստ։ Սերգեյ Մարկոսյանի ինքնակենսագրությունը 

Ծնվել է 1946թ. նոյեմբերի 22-ին, ԼՂՀ Մարտակերտի շրջանի Թբղլու գյուղում: 1972թ. ավարտել է Երևանի Կոմիտասի անվան պետական կոնսերվատորիայի Էլլա Զաքարյանի խմբավարական, 1981թ.` Արմեն Բուդաղյանի երաժշտագիտական, 1984թ.` Էդվարդ Միրզոյանի ստեղծագործական դասարանները: 1967-ից աշխատակցել է ԶԼՄ-ներին, չորս տասնյակից ավելի ամսագրերում և թերթերում տպագրել 600-ից ավելի հոդվածներ և ուսումնասիրություններ: Աշխատել է Ստեփանակերտի Սայաթ-Նովայի անվան երաժշտական ուսումնարանում, հանդիսացել է ՀՀ մշակույթի նախարարության Արցախի տարածքի երաժշտական և արվեստի մանկական դպրոցների առաջատար մեթոդիստ, Հայաստանի ԳԱԱ ազգագրության և հնագիտության ինստիտուտի Արցախի բաժանմունքի գիտական աշխատող և այլն: Հեղինակել է երեք սիմֆոնիա` «Ասք Արցախի մասին», «Գանձասար», «Արնաներկ ազատություն», «Լեռների կանչը» (1993թ.), սիմֆոնիա-կոնցերտ 11 նվագարանների համար, վոկալ-սիմֆոնիկ պոեմ «Սարդարապատի զանգերը», երեք լարային կվարտետ, դաշնամուրային կվինտետ, տրիո, սոնատներ ջութակի, թավջութակի համար, կոնցերտ-ռապսոդիա երկու դաշնամուրի համար, վոկալ և կամերագործիքային երկերի, դաշնամուրային պիեսների բազմաթիվ շարքեր («Արցախյան պատկերներ», «Դիլիջանյան նոթատետրից», «Չորս աֆորիզմներ», «Հայրենի եզերքի մեղեդիներ», «Ուրվանկարներ»), խմբերգեր, ռոմանսներ, երգեր, ժողովրդական մշակումներ և այլն: Հեղինակել է մի շարք գրքեր և ուսումնասիրություններ` «Հայ կոմպոզիտորների փողային նվագարանների ստեղծագործությունների անվանացանկը» (1986թ.), «Արցախյան անեկդոտներ»  (2004թ.), «Արցախի ժողովրդական երաժիշտներ» (2004թ.), «ԼՂ հայկական երգի-պարի պետական անսամբլ» (2010թ.), «Արցախյան դեմքեր և դեպքեր» (2012թ.) և այլն: 1989թ-ից Հայաստանի կոմպոզիտորների և երաժշտագետների, 1990թ-ից` ԼՂԻՄ, 1994թ-ից` Հայաստանի ժուռնալիստների, 1999թ-ից` Ռուսաստանի կոմպոզիտորների միությունների անդամ է:

 

Категория: Новости | Добавил: nairi
Просмотров: 47 | Загрузок: 0 | Рейтинг: 0.0/0 |
Всего комментариев: 0

Имя *:
Email *:
Код *:
Форма входа

Поиск
 
Вы вошли как
54.162.166.214
Онлайн всего: 1
Гостей: 1
Пользователей: 0
 

Наше время

 


Друзья сайта

Статистика
 


Copyright N a i r i © 2017