Նկարում ձախից՝ Արմավիա ավիաընկերության սեփականատեր Միքայել Բաղդասարովն իսկ աջից Իսրայելի զբոսաշրջության նախարարության աշխատակազմի ղեկավար Նոազ Բառ-Նիռը
Փետրվարի 21-ին Երուսաղեմի Էշետ տուրս զբոսաշրջությամբ զբաղվող կազմակերպության գրասենյակներից մեկում մեկնարկեց հայկական Արմավիա ավիաընկերության հետ համատեղ իրականացվելիք նոր ծրագիրն, որը նպատակ է հետապնդում Իսրայելից հրեա զբոսաշրջիկներ տանել Հայաստան: Էշետ տուրս -ն Արմավիայի թվով արդեն երրորդ գործընկերն է: Նախկին Ֆենիկս Ավիէյշն կազմակերպությունը հայ գործարար, Արմավիա ավիաընկերության սեփականատեր Միքայել Բաղդասարովի խոսքերով շատ թանկ էր վաճառում տոմսերն, որի պատճառով կազմակերպությունը պայմանագիր կնքեց նոր այս կազմակերպության հետ:
Նկարում ձախից՝ առաջինը Հայոց պատրիարքարանի վարդապետ հայր Էմանուել Աթաջանյանը, Միքայել Բաղդասարովն, Արիս արքեպիսկոպոս Շիրվանյանն ու Նոազ Բառ-Նիռը
Էշետ տուրս-ի գրասենյակում նաև Երուսաղեմի հայոց պատրիարքարանի պատվիրակներն էին ներկա՝ պատրիարքարանի միջեկեղեցական կապերի ու արտաքին հարաբերությունների բաժնի վարիչ Արիս արքեպիսկոպոս Շիրվանյանի գլխավորությամբ: Ներկա էր նաև Իսրայելի Զբոսաշրջության նախարարության աշխատակազմի ղեկավարի գլխավորած պատվիրակությունն, որի հետ հայկական կողմն այժմ բանակցում է վիզայի ռեժիմը թեթևացնելու համար: Այստեղ էին նաև Իսրայելահայերի Պետախ Տիկվայի Նաիրի միության հիմնադիր կազմի պատվիրակությունն, որը հայ գործարարի հետ ունեցած առանձնազրույցի ժամանակ ներկայացրեց առկա հիմնախնդիրներն:
Պարոն Բաղդասարովի տեղեկացմամբ ապրիլից արդեն շաբաթը մեկ անգամի փոխարեն կիրականացվի երկու չվերթ, իսկ այնուհետև չի բացառվում նաև երեք և նույնիսկ շաբաթական չորս չվերթի իրագործումը: Խոսելով նոր ծրագրի մեկնարկի մասին նա նշեց, թե այսուհետ բոլոր Իսրայելի քաղաքացիները կարող են մեկնել Հայաստան 8օր, 7գիշեր տևողությամբ ընդհամենը 1000 ԱՄՆ դոլլարին համարժեք շեկելով:
Մանրամասն տեղեկությունների համար զանգահարեք 03-693-77-77 հեռախոսահամարով:
|