Լուսանկարում՝ Գերմանիայի Դաշնային Հանրապետության նախագահ Յոահիմ Գահուկը, գերմանացի պատվիրակների, հոգևորականների և Երուսաղեմի Սրբոց Հակոբյանց միաբանության միաբան, Էմմանուել վարդապետ Աթաջանյանի հետ

Դեկտեմբերի 6—ին Երուսաղեմի Դորմիշըն գերմանական բենեդիկտյան տաճարում լուսարարապետ հայր Նիկոդիմոս Շնաբելի նախաձեռնությամբ տեղի ունեցավ էկումենիկ աղոթք՝ կաթոլիկ եւ բողոքական հոգեւորականների մասնակցությամբ, որին ներկա էր Գերմանիայի Դաշնային Հանրապետության նախագահ Յոահիմ Գահուկը։ Հայոց Երուսաղեմի Սրբոց Հակոբյանց միաբանությունից արարողությանը մասնակցում էր Էմմանուել վարդապետ Աթաջանյանը, ով հավարտ աղոթքի հանդիպելով ԳՖՀ նախագահին, շնորհակալական խոսքեր հնչեցրեց նրա հայանպաստ հայտարարությունների կապակցությամբ՝ ի նշան գնահատանքի եւ օրհնության նրան ընծայելով սադափազարդ խաչ եւ Զաքարիա Ա Ձագեցի կաթողիկոսի՝ «Սուրբ Ծննդեան» քարոզի անգլերեն թարգմանությունը։ Հայոց Երուսաղեմի Սրբոց Հակոբյանց միաբանությունից հիշեցնում են, որ ԳԴՀ նախագահն այս տարվա ապրիլ 23—ին հանդես էր եկել Ցեղասպանությունը դատապարտող ելույթով, ուր խոսելով թուրքական ոճրագործության մասին՝ ընդունել էր նաեւ ժամանակի գերմանական կառավարության մեղքը։

​Աղբյուրը՝  Հայաստանի Հանրապետություն  օրաթերթ

http://www.hhpress.am/index.php?sub=hodv&hodv=20151208_15&flag=am