|
Հայերը ցույցի ժամանակ
Արդեն հինգերորդ տարին է, ինչ երկրի կենտրոնի ու հյուսիսի հայերը հավաքվում են ապրիլի 24-ին իրենց բողոքի ձայնը բարձրացնելու թուրքերի դեմ՝: 20 - րդ դարի առաջին կեսին իրականացրած Հայոց Ցեղասպանության զոհերի հիշատակին նվիրված արարողությունները սկսվել էին երկու օր առաջ և այս տարի դրանք շատ ավելին էին քան նախորդ տարիներին: Ապրիլի 22 - ին տեղի ունեցավ արդեն հայտնի ավտոերթը, նույն օրն երեկոյան Երուսաղեմի Եբրայական համալսարանի հայագիտության ամբիոնը հրավիրել էր գիտաժողով նվիրված Հայոց Ցեղասպանության 97 - ամյակին, որին մասնակցեցին ներկայիս և նախկին Քնեսսետի պատգամավորներ, Իսրայելում ՀՀ պատվավոր հյուպատոս պրն. Ցոլակ Մոմջյանն, Երուսաղեմի Հայոց Պատրիարքարանի պատվիրակությունն ու բազմաթիվ հյուրեր:
Թել-Ավիվ Ապրիլի 24-ին
Այնուհետև Երուսաղեմի «Հայ Դատի» տեղի մասնաճյուղի ու դաշնակցականների շնորհիվ մեծ գիտաժողով տեղի ունեցավ Ժառանգավորաց վարժարանի սրահում: Զեկուցումներով հանդես եկավ Հայաստանից հրավիրված հայ պատմաբան Աշոտ Մելքոնյանն, իսկ հաջորդ օրն առավոտյան նախ Երուսաղեմահայերը Հոգեհանգստյան արարողությանը մասնակցեցին, ծաղիկներ դրեցին Ժառանգավորաց վարժարանի բակում դրված վեց խաչքարերի դիմաց ու այցելեցին գերեզմանատուն և Արարայի հերոսամարտի հուշակոթող, որից հետո ուղևորվեցին դեպի թուրքական հյուպատոսարան, որի դիմաց ցույց տեղի ունեցավ: ՈՒշագրավն այն է, որ այս անգամ ավելի քան երեք տասնյակ հրեա երիտասարդներ էին մասնակցում ցույցին շուրջ 200 հայերի հետ միասին, ինչպես նաև Սուդանի Դարֆուր բնակավայրից մի խումբ սևամորթ պատվիրակներ:
Տեղացիներին միացան Հայֆայահայերը
Թել-Ավիվում, ինչպես երևում է լուսանկարներից, թուրքերի դեմ կազմակերպված ցույցն ևս մարդաշատ էր: Մասնակցում էին թե Թել-Ավիվցիներն և թե հայեր Պետախ-Տիկվայից, Խոլոնից, Բատ-Յամից, ինչպես նաև երկրի հյուսիսային Հայֆա քաղաքից: Հայաստանի հիմնով սկսվեց բողոքի ակցիան, այնուհետև հայերը տարբեր հայրենասիրական երգեր երգեցին ու եղան նաև ելույթներ:
Ցույցին ոչ միայն մեծահասակներն էին մասնակցում, այլև հայկական հողերի վերադարձնելուց հետո, այդ հողերին տեր կանգնող սերունդների ներկայացուցիչները: Ցույցի ավարտից հետո հայերն ուղևորվեցին դեպի Յաֆֆոյի Սրբ. Նիկողայոս վանք, որտեղ էլ հոգեհանգստյան պատարագ մատուցվեց:
|
