Главная » 2016 » Апрель » 27 » Eurovision 2016, Բոլորս մասնակցում ենք քվեարկությանը մայիսի 10 -ին
Eurovision 2016, Բոլորս մասնակցում ենք քվեարկությանը մայիսի 10 -ին
12:25
Հարգելի՛ հայրենակից,
Հայաստանն այս տարի արդեն տասներորդ անգամ մասնակցում է եվրոպական ամենահեղինակավոր «Եվրատեսիլ» երգի մրցույթին: Տասներորդ անգամ եվրոպական ամենաբարձր հարթակից պատվով հնչելու է Հայաստանի անունը: Այս բոլոր տարիների ընթացքում համախմբված կերպով մշտապես մեր կողքին են եղել մեր սփյուռքահայ հայրենակիցները: Մենք մշտապես զգացել ենք Սփյուռքի անգնահատելի աջակցությունը` ամենատարբեր մակարդակներով: Հենց այդ աջակցության շնորհիվ ենք մենք կարողացել պատվով ներկայանալ հեղինակավոր այդ մրցույթում և զբաղեցնել բարձր հորիզոնականներ: Այս տարի ևս մենք ակնկալում ենք Սփյուռքում ապրող մեր հայրենակիցների օգնությունը: Հաշվի առնելով Արցախում տեղի ունեցող դեպքերը` հիմա մենք, աշխարհում սփռված բոլոր հայերով, ավելի քան երբևէ պետք է համախմբված լինենք մեր միասնական ուժը հակառակորդին ցույց տալու համար: «Եվրատեսիլ»-ը հիանալի հարթակ է ցույց տալու համար մեր միասնությունն ու այդ միասնությունից բխող հաղթանակը: Այս տարի ավելի քան երբևէ մենք ունենք տպավորիչ ելույթի, բարձր հորիզոնականներ գրավելու, ինչու չէ նաեւ հաղթանակի լուրջ շանսեր, և Ձեր աջակցությամբ վստահ ենք, որ հաղթանակի մեր հնարավորություններն կհարյուրապատկվեն և կդառնան ավելի հաստատուն: Անհամբեր սպասում ենք Ձեր արձագանքին, որպեսզի միասին հասկանանք, թե ինչ ձևաչափով կարող ենք համագործակցել:
Հարգանքով` Հայաստանի հանրային հեռուստաընկերության եվրատեսիլյան ստեղծագործական խումբ
