Главная » 2012 » Май » 4 » ՄԻՋԱԶԳԱՅԻՆ ԴԻՏՈՐԴՆԵՐԸ ԳՆԱՀԱՏԵԼ ԵՆ ՀԱՅԱՍՏԱՆԻ ՆԱԽԸՆՏՐԱԿԱՆ ՇՐՋԱՆԸ
ՄԻՋԱԶԳԱՅԻՆ ԴԻՏՈՐԴՆԵՐԸ ԳՆԱՀԱՏԵԼ ԵՆ ՀԱՅԱՍՏԱՆԻ ՆԱԽԸՆՏՐԱԿԱՆ ՇՐՋԱՆԸ
18:56
Ընտրական համակարգերի փորձագիտական միջազգային կենտրոնը հաջողված է համարում Հայաստանում խորհրդարանական ընտրությունների կազմակերպման ընթացքը: Մայիսի 4-ին ՀՀ խորհրդարանական ընտրությունների վերաբերյալ միջանկյալ զեկույցի ներկայացման ժամանակ այս մասին նշեց միջազգային կենտրոնի նախագահ Ալեքսանդր Ցինկերը: «Հայաստանի կենտրոնական ընտրական հանձնաժողովը կատարել է բավականաչափ աշխատանք քվեարկության բարեհաջող ընթացքի ապահովման համար: Ընտրարշավի ընթացքում եղել է հանգիստ մթնոլորտ»,- ասաց նա: Նրա խոսքով` Հայաստանում առկա ընտրական համակարգը կարելի է հաջողված համարել այս փուլում: Ժողովրդավարության հասատումը կարևոր է, սակայն դրանից առավել կարևոր են մարդկային հատկանիշները: Իսրայելի ներկայացուցիչ Բարուխ Բեն Ներեան նշեց, որ Ընտրական օրենսգիրքը պարունակում է հիմնական ժողովրդավարության տարրերը, և բոլոր հոդվածները թույլ են տալիս ազատ և ժողովրդավար կամքի արտահայտում բոլոր քաղաքացիների համար: Լեհաստանի ներկայացուցիչ Մաթեոուզ Պիսկորզկու խոսքով` բոլոր ուժերը հնարավորություն են ունեցել ներկայացնելու իրենց ծրագրերն իրենց ընտրողներին:
Ասված տեղեկությանը պետք է ավելացնել, որ Ալեքսանդր Ցինկերը «Նաիրի» միության բարեկամներից է, եղել է Իսրայելի Քնեսսետի անդամ և ղեկավարում էր Հայկական Լոբիի աշխատանքները Քնեսսետում հանգուցյալ պատգամավոր հայ ժողովրդի բարեկամ Յուրի Շտեռնի հետ: Միակ ազգությամբ հրեա և ծնունդով Երևանցի պատգամավորն է եղել Քնեսսետում և միշտ ջանում է սերտացնել հայ-հրեական հարաբերությունները:
Ընտրական համակարգերի փորձագիտական միջազգային կենտրոնը հաջողված է համարում Հայաստանում խորհրդարանական ընտրությունների կազմակերպման ընթացքը: Մայիսի 4-ին ՀՀ խորհրդարանական ընտրությունների վերաբերյալ միջանկյալ զեկույցի ներկայացման ժամանակ այս մասին նշեց միջազգային կենտրոնի նախագահ Ալեքսանդր Ցինկերը: «Հայաստանի կենտրոնական ընտրական հանձնաժողովը կատարել է բավականաչափ աշխատանք քվեարկության բարեհաջող ընթացքի ապահովման համար: Ընտրարշավի ընթացքում եղել է հանգիստ մթնոլորտ»,- ասաց նա: Նրա խոսքով` Հայաստանում առկա ընտրական համակարգը կարելի է հաջողված համարել այս փուլում: Ժողովրդավարության հասատումը կարևոր է, սակայն դրանից առավել կարևոր են մարդկային հատկանիշները: Իսրայելի ներկայացուցիչ Բարուխ Բեն Ներեան նշեց, որ Ընտրական օրենսգիրքը պարունակում է հիմնական ժողովրդավարության տարրերը, և բոլոր հոդվածները թույլ են տալիս ազատ և ժողովրդավար կամքի արտահայտում բոլոր քաղաքացիների համար: Լեհաստանի ներկայացուցիչ Մաթեոուզ Պիսկորզկու խոսքով` բոլոր ուժերը հնարավորություն են ունեցել ներկայացնելու իրենց ծրագրերն իրենց ընտրողներին: 
