Նկարում՝ Երուսաղեմի Սրբոց Հակոբյանց միաբանության պատրիարքական տեղապահ Տ. Արիս Արք. Շիրվանյան, Տ. Տիրան Աբեղա Հակոբյան, Տ. Տիրայր Քահանա Հովակիմյան
Նոյեմբերի 24-ը Հայֆայի հայ համայնքի համար դարձավ պատմական և միևնոյն ժամանակ նշանակալի մի օր: Համայնքի Սբ. Եղյա եկեղեցին մինչեւ այսօր չուներ Սբ. Եղյա մարգարէի անունը կրող պատկեր եկեղեցու ներսում:
Այսօր այդ բացը լրացվեց շնորհիվ Դերենիկ Յովակիմեանի, ով Տիրոջ օրհնութեամբ արժանացավ հեղինակը դառնալ եւ վերոհիշյալ մարգարէի անունով մի գեղեցիկ պատկեր նվիրել մեր եկեղեցուն: Պատկերը նկարված է համաձայն Հին Կտակարանի մեջ առկա պատմության, երբ երկու ագռավներ Տիրոջ հանձնարարությամբ Սբ. Եղյա մարգարեին ամեն առավոտ և երեկոյան հաց ու միս էին բերում( Թագ. Գ 17. 1-7):
Նկարում՝ Երուսաղեմի Սրբոց Հակովբյանց միաբանության պատրիարքական տեղապահ Տ. Արիս Արք. Շիրվանյան, Տ. Տիրան Աբեղա Հակոբյան, Հայաստանի և
Իսրայելի կոմպոզիտորների միության անդամ Նուբար Ասլանյան
Պատկերի օծումը կատարեց Երուսաղեմի Սրբոց Հակովբյանց միաբանության պատրիարքական տեղապահ Տ. Արիս Արք. Շիրվանյանն, իսկ պատարագը մատուցեց Տ. Տիրան Աբեղա Հակոբյանը: Նկարի օծմանը զուգադիպեց նաև վանքի հանգուցյալ պատրիարքի` Տ. Թորգոմ Արք. Մանուկյանի մահվան քառասունքն, որի համար հոգեհանգստյան պաշտոն կատարվեց Սրբազան Հոր հանդիսապետությամբ: Օծված նկարն իր տեղը գտավ եկեղեցու մուտքի աջ պատին, որը մինչև այսօր թափուր էր:
Տ. Տիրայր Քհն. Յովակիմեան
| 
