Լուսանկարում՝ ԱՄՆ-ից Իսրայելում հյուրընկալված Երուսաղեմի Հայոց պատրիրաքարանի միաբան, Պարետ ծայրագույն վարդապետմ Երեցյանը քարոզի ժամանակ Ավելի քան 300 հայ մասնակցեց դեկտեմբերի 7-ին Յաֆֆոյի Սուրբ Նիկողայոս վամքում տեղի ունեցած հոգեհանգստյան պատարագին: Այս տարի լրացավ Սպիտակյան աղետի 25 ամյակն ու անմեղ զոհերի հիշատակը հարգելու էին եկել հարյուրավոր մարդիկ նույնիսկ հարավային Կիրյատ Գատ ու Բեյեռ Շևա քաղաքներից: Լուսանկարում՝ հայ հավատացյալները քարոզի ժամանակ Յուրաքանչյուր տարի Յաֆֆայահայերն էլ մեծ սիրով միանում են այս արարողությանն ու նախկին Աղետի գոտու բնակիչների հետ միասին աղոթում հանգուցյալների հոգու հանգստության համար: 
Լուսանկարում՝ Յաֆֆոյի ՀՈՄԵՆԸՆԴՄԵՆԻ ակումբի ատենապետ Պողոս Ղուկասյանը Պարոն Ղուկասյանն այն եզակի Իսրայելահայերից էր, որ Գյումրիից հաշմանդամ հայ երեխաների մի մասին ընդունեց Յաֆֆոյում և Պատրիարքարանի միաբաններից ու համայնքային պատասխանատուներից կազմված հանձնաժողովի անդամներից մեկն էր, որ դրամահավաք էր կազմակերպել Հայաստանի Աղետյալներին օգնելու համար: 2005թ.-ից սկսած Պետախ Տիկվայի իսրայելահայերի «Նաիրի» միությունը ավանդույթի է վերածել յուրաքանչյուր դեկտեմբերի 7 -ին Յաֆֆոյի Սրբ. Նիկողայոս վանքում հայերին հավաքելու գործառույթն, որը փայլուն է իրագործում՝ հավաքելով մեկ հարկի տակ բոլոր այն մարդկանց, որոնք հարազատներ են կորցրել կամ էլ այն ծանր ու օրհասական օրերին կիսում էին աղետյալների վիշտը: Պետախ Տիկվայի իսրայելահայերի «Նաիրի» կազմակերպության ջանքերով ու ֆինանսավորմամբ է կազմակերպվում այս հավաքը: Մի խումբ հայասերներ, որոնք ջանում են միավորել հայերին հայ եկեղեցու շուրջ և Դեկտեմբերյան անմեղ զոհերի հիշատակի օրն լավագույն ապացույցներից մեկն է: Հետաքրքիրն այն է, որ լրացուցիչ չի հայտարարվում այս հավաքի մասին: Մարդիկ արդեն գիտեն որ հավաքվելու են և ուղղակի ժամանաում են Յաֆֆո: 
Լուսանկարում՝ Յաֆֆոյի հոգևոր հովիվ հայր Ավետիս վարդապետ Իբրաջյանը սեղանի օրհնության ժամանակ Միջնադարյան հայկական վանքի հյուրընկալ պատերի ներսում հայ հավատացյալներին միշտ ընդունել ու ողջունել է հայր Ավետիսը: Երբ առաջին անգամ ութ տարի առաջ հոգևոր հովվին դիմեցինք վանքում հավաքվելու և հոգեհանգստյան պատարագ մատուցելու համար՝ անմիջապես ստացանք հայ միաբանի համակողմանի օգնությունն ու աջակցությունը: 
Լուսանկարում՝ հայ հավատացյալները հոգեճաշի ժամանակ
| 
