|
Եվա Ռիվասը «Եվրատեսիլ - 2010»-ում գրավեց յոթերորդ տեղը
30.05.2010
Արման Հովհաննիսյան
Հայաստանը ներկայացնող Եվա Ռիվասը Apricot Stone երգով «Եվրատեսիլ - 2010» երգի մրցույթում գրավեց յոթերորդ տեղը: Մրցույթի` շաբաթ ուշ երեկոյան կայացած եզրափակիչում Ռիվասը հանդես եկավ 21-րդը: Ինչպես եւ երկու օր առաջ կիսաեզրափակիչում` երգչուհին բեմ բարձրացավ անվանի դուդուկահար Ջիվան Գասպարյանի հետ:
Մրցույթում առաջին տեղը գրավեց Գերմանիան ներկայացնող 19-ամյա երգչուհի Լենա Մայեր-Լանդրութը` Satellite երգով:
«Եվրատեսիլ - 2010»-ի հաղթող Լենա Մայեր-Լադրութը
Երկրորդ տեղում է Թուրքիան, երրորդում` Ռումինիան, չորրորդում` Դանիան, հինգերորդում` Ադրբեջանը, ե վեցերորդում` Բելգիան:
Հայաստանին ամփոփիչ աղյուսակում հաջորդում է Հունաստանը, իններորդ տեղում է Վրաստանը, լավագույն տասնյակը եզրափակում է Ուկրաինան:
«Եվրատեսիլ - 2010»-ին մասնակցում էր 39 երկիր, որոնցից եզրափակիչ էին անցել 25-ը:
Ուրբաթ օրը կայացած ասուլիսում Եվա Ռիվասը շեշտել էր, որ եզրափակիչում իրեն դժվարին պայքար է սպասում: «Մրցակիցներս շատ ուժեղ են, եւ եզրափակիչը շատ, շատ դժվարին կլինի: Իմ կարծիքով` այն իսկական ճակատամարտ է լինելու», - ասել էր երգչուհին:
Սա Հայաստանի հինգերորդ մասնակցությունն էր «Եվրատեսիլ» երգի մրցույթին, եւ մինչ այժմ ամենահաջող արդյունքը գրանցել է Սիրուշոն` 2008 թվականին «Քելե-քելե» երգով գրավելով չորրորդ տեղը: Երկու անգամ Հայաստանը գրավել էր ութերորդ տեղը, մեկ անգամ` տասներորդ:
Ինչպես եւ նախորդ տարի, այս անգամ եւս մրցույթի մասնակիցների միավորները հաշվարկվում էին ժյուրիի եւ հեռուստադիտողների քվեարկության արդյունքների 50:50 հարաբերակցությամբ: Մի շարք երկրներից, որտեղից Հայաստանը մրցույթին մասնակցության առաջին տարիներին շատ բարձր միավորներ է ստացել, նոր կարգի ներդրումից հետո միջին կամ ցածր միավորներ են ստացվում, օրինակ` Ֆրանսիայից, Հունաստանից, Կիպրոսից, Բելգիայից, Շվեյցարիայից:
«Եվրատեսիլ»-ի եզրափակիչի ուղիղ հեռարձակումը մեծ էկրանի վրա ցուցադրվում էր Երեւանի կենտրոնում` Կարապի լճի հարեւանությամբ:
yerevaklur.am-ը ներկայացնում է քվերկության աղյուսյակը:
Այսպիսով՝ Հայաստան՝ 7, Ադրբեջան 5, Վրաստան՝ 9, Թուրքիա՝ 2։ Մեկնաբանությունները թողնում ենք ձեզ։
Աղյուսակի վերջնական տեսքը.
1. Գերմանիա-246
2. Թուրքիա-170
3. Ռումինիա-162
4. Դանիա-149
5. Ադրբեջան-145
6. Բելգիա-143
7. Հայաստան-141
8. Հունաստան-140
9. Վրաստան-136
10. Ուկրաինա-108
11. Ռուսաստան-90
12. Ֆրանսիա-82
13. Սերբիա-72
14. Իսրայել-71
15. Իսպանիա-68
16. Ալբանիա-62
17. Բոսնիա և Հեևցեգովինա-51
18. Պորտուգալիա-43
19. Իսլանդիա-41
20. Նորվեգիա-35
21. Կիպրոս-27
22. Մոլդովա-27
23. Իռլանդիա-25
24. Բելոռուս-18
25. Մեծ Բրիտանիա-10
Իսկ այժմ՝ ամենահետաքրքիրը՝ ով ինչպես քվեարկեց մեր համար
1. Ռումինիա-6 բալ
2. Իռլանդիա-0 բալ
3. Գերմանիա-7 բալ
4. Սերբիա-1բալ
5. Ալբանիա-0 բալ
6. Թուրքիա-6 բալ
7. Խորվաթիա-0 բալ
8. Լեհաստան- 5 բալ
9. Բոսնիա և Հերցեգովինա- 0 բալ
10. Ֆինլանդիա-0 բալ
11. Սլովենիա-0 բալ
12. Էստոնիա-0 բալ
13. Ռուսաստան-12 բալ
14. Պորտուգալիա-0 բալ
15. Ադրբեջան-0 բալ
16. Հունաստան-7 բալ
17. Իսլանդիա-0 բալ
18. Դանիա-0 բալ
19. Ֆրանսիա-6 բալ (12 բալ Թուրքիային)
20. Իսպանիա-8 բալ
21. Սլովակիա-4 բալ
22. Բուլղարիա- 8 բալ
23. Ուկրաինա-6 բալ
24. Լատվիա-1 բալ
25. Մալթա-0 բալ
26. Նորվեգիա-0 բալ
27. Կիպրոս-7 բալ
28. Լիտվա- 0 բալ
29. Բելոռուս-5 բալ
30. Շվեյցարիա-0 բալ (Այս երկրում ՀՀ դեսպանն է դիվանագետ դարձած Շառլ Ազնավուրը)
31. Բելգիա-7 բալ
32. Մեծ Բրիտանիա-0 բալ
33. Նիդերլանդներ-12 բալ
34. Իսրայել -12 բալ
35. Մակեդոնիա-4 բալ
36. Մոլդովիա-6 բալ
37. Վրաստան-10 բալ
38. Շվեդիա-1 բալ։
Իր հերթին Հայաստանը 12 բալ տվեց Վրաստանին, 10՝ Ռուսաստանին և 8 Ուկրաինային։ Yerevaklur.am-ը ներկայացնում է քվեարկության աղյուսյակը:
| 
