Հայ չեմպիոն Դավիթ Ասլանյանը
Իսրայելի Հայֆա քաղաքում,հրեական «Պուրիմ»տոնի կապակցությամբ կայացավ շախմատի մրցույթ ,որին մասնակցեցին Իսրայելի հյուսիսային շրջանների մինչեւ ութերորդ դասարանի դպրոցականները,որտեղ եւ հայֆայաբնակ Դավիթ Ասլանյանը գրավեց պատվավոր երկրորդ տեղը,ետ մնալով իրենից տարիքով մեծ առաջատարից ընդամենը կես միավորով:Արժե նշել,որ Դավիթն անցավ այդ մրցումը «պետրոսյանա կան» ոճով՝ առանց պարտության: Իննամյա Դավիթը շատ է ուզում,որ այդ մասին իմանան Հայաստանի շախմատի հավաքականը Լեւոն Արոնյանի ղեկավարությամբ:Չէ որ,ինչպես ինքն է գտնում, դրեզ դենյան շախմատային նախորդ օլիմպիադայի ժամանակ իր ոգեւորիչ նամակը, հղած հայ շախմատիստներին, «պիտի որ անպայման օգնած լիներ»չեմպիոն դառնալուն (հրատարակվել էր «Ազգ»ում):Ի դեպ,շատ ցավում է,որ «մի նամակ էլ»չուղարկեց Թուրքիայում կայացած վերջին օլիմպիադայի Հայաստանի հավաքականին,գտնելով նաեւ իր,նամակ չգրելու մեղքը,հայ շախմատիստների չորրորդ տեղը գրավելու մեջ: «Որ ես Թուրքիա նամակ ուղարկեի,մերոնք չորրորդ տեղում չէին լինի»,ափսոսանքով ասում է պատանի շախմատիստը,որի իղձը...Լեւոն Արոնյանին փոխարինելն է...
Դավիթ Ասլանյանը Դիպլոմը ստանալու ժամանակ
| 
