26.03.2011 Արման Հովհաննիսյան Ֆուտբոլի Եվրոպայի 2012 թվականի առաջնության ընտրական մրցաշարի Հայաստան - Ռուսաստանի հանդիպումը շաբաթ օրը ավարտվեց ոչ-ոքի` 0:0: Երեւանի Վազգեն Սարգսյանի անվան Հանրապետական մարզադաշտում կայացած հանդիպման առաջին խաղակեսը անցավ ռուսաստանցի ֆուտբոլիստների տարածքային առավելությամբ, երկրորդ խաղակեսում Հայաստանի հավաքականին հաջողվեց որոշ չափով հավասարեցնել խաղը:
Այդուհանդերձ, Ռուսաստանի հավաքականը ավելի շատ էր հարձակվում եւ սուր գրոհներ ձեռնարկում, որոնք հայաստանցի ֆուտբոլիստները երբեմն դժվարությամբ էին ետ մղում: Գերազանց խաղ ցույց տվեց Հայաստանի հավաքականի դարպասապահ Ռոման Բերեզովսկին:
15 հազար հանդիսատեսի համար նախատեսված մարզադաշտը լեփ-լեցուն էր: Ինչպես եւ Հայաստանի հավաքականի մասնակցությամբ նախորդ հանդիպումներին, խաղին տրիբունայից հետեւում էր երկրի նախագահ Սերժ Սարգսյանը:
Հինգերորդ փուլից հետո 10-ական միավորով B խմբի մրցաշարային աղյուսակի առաջին երեք տեղերը զբաղեցնում են Սլովակիան, Ռուսաստանը եւ Իռլանդիան, Հայաստանը 8 միավորով չորրորդ տեղում է:
Եվրո-2012-ի ընտրական մրցաշարում Հայաստանի հաջորդ հանդիպումը նույնպես Ռուսաստանի հետ է`
