Մարդաշատ էր Իսրայելի նախկին հայֆայաբնակ, այժմ Շվեցարիայում բնակվող պրն.Միհրան Պարոնյանի ջանքերով վերանորոգված Հայֆա քաղաքի Հայ Մարմնակր թական Ընդհանուր Միության(Հ.Մ.Ը.Մ) ակումբի դահլիճը:Հավաքվել էին ծնողներ, երեխաներ, ընտանիքներ, տոնելու հին Նոր Տարին:ՀՕՄ-ի Ատենապետուհի տիկ. Նվարդ Շահինյանի եւ ՀՄԸՄ Ատենապետ Ջոն Մորաջալյանի Նոր Տարվա շնորհավորանքի բացման խոսքից հետո անմիջապես ,զարդարված տոնածառի շուրջ հավաքված հայ մանուկների երգչախմբի կատարմամբ հնչեց Ռոբերտ Ամիրխանյանի «Պատրաստել ենք մենք Նոր տարվա հանդես» ժիր,կենսուրախ,իսկապես մանկական երգը,որին հաջորդեցին Խաչիկ Դաշտենցի Մեսրոպ Մաշտոց բանաստեղծությունը փոքրիկ Նվարդ Սողոմոնյանի արտասանությամբ,հնչեցին նաեւ բանաստեղծություն ներ նվիրված տոնածառին,Ձմեռ պապուն (Կաղանդ պապի),Հայաստանին,Արցախին ու նրա հերոսներին,հայոց լեզվին:Կար նաեւ հումոր:Եւ այս բոլորը մայրենի լեզվով, լեփ լեցուն դահլիճի ծափահարությունների ներքո արտասանում էին հայ փոքրիկներ Եվան ու Էդին,Միհրանը,Գրիգորն ու Մայքլը: Ի դեպ մայրենի լեզվով արտասանեցին նաեւ քրիստոնյա արաբ Ռաիդ Տոամաի եւ հայուհի Գոհար Սարգսյանի զավակներ Մայքլն ու Ադրիանը:

 

 

Գեղեցիկ էր Նոր տարվան նվիրված անգլիական,բայց հայերեն թարգմանությամբ «Զանգակներ», ինչպես նաեւ Մարտին Յորգանսի «Հայերեն երգենք» երգի կատարումները՝ դարձյալ մանկական երգչախմբի կատարմամբ: Իսկ երբ ներս մտավ Ձմեռ Պապը,«ահել ու ջահել իրարով անցան»՝ մանուկները Ձմեռ պապու պարկի պարունակության ետեւից,իսկ մեծերը...արյուններն էր եռացել, որով հետեւ Պապը դահլիճ մտավ...ազգահայրենասիրական երգ երաժշտության հնչյունների ներքո:Ու «գնաց» երգն պարը...պարում էին բոլորը:Նոր տարին ու հայրենասիրությունը «խառնվել»էր իրար:Այսպես էլ ապրում է Հայֆայի հայ համայնքը... Իսկ վերջում, Ձմեռ պապու նվերները իրենց «հասցեատերերին»գտնելուց հետո, հրավառ տասը մոմերով զարդարված մեծ հրուշակեղենի շուրջ նշվեց Մայքլ Թերզյանի տասը տարին: Ծնունդտ շնորհավոր: