Իսրայելի Կնեսետը Հայոց ցեղասպանության հարցը կքննարկի հոկտեմբերին
[ ]
16.06.2012, 20:47
Օգոստոս 12, 2011 | 08:11
Իսրայելի խորհրդարանում (Կնեսետ) հայոց ցեղասպանությանը վերաբերող երկու բանաձեւերի քննարկումը հետաձգվել մինչեւ հոկտեմբեր: Այս մասին NEWS.am-ի թղթակցի հետ զրույցում ասաց Երուսաղեմում Հայ Դատի խմբի համակարգող Հակոբ Սեւանը, դա բացատրելով նրանով, որ օհոստոսի 3-ին Կնեսետն արձակուրդի է գնացել: Գնահատելով երկու բանաձեւերի ընդունման հավանականությունը, Սեւանը այն իրական համարեց: «Մենք Կնեսետում հզոր աջակցություն ունենք, ի դեմս խորհրդարանի խոսնակի, իշխող կոալիցիայի ղեկավարի եւ շատ այլ պատգամավորների: Շատերը լատ տեղեկացված են այս խնդրի մասին: Այստեղ, ի թիվս այլոց, ոչ փոքր դեր են խաղում Իսրայել-Թուրքիա վատացած հարաբերությունները: Ընդհանուր առմամբ, մենք հույս ունենք, որ հաջողությունը մեզ կուղեկցի եւ արդարությունը կհաղթի»,- ասել է նա: Հարցին, թե ինչ գործողություններ է նախատեսում իրականացնել Երուսաղեմի հայ համայնքն ու Հայ Դատի խումբը, Սեւանը պատասխանեց. «Այս ուղղությամբ արդեն մեծ աշխատանք է կատարվել: «Եղել են հանդիպումներ, քննարկումներ, ձեռք են բերվել պայմանավորվածություններ: Հասկանալի պատճառներով ես չէի ցանկանա դրանց մասին հիմա բարձրաձայն խոսել»: Նշենք, որ Հայոց ցեղասպանության ճանաչման հարցը այս տարվա մայիսի կեսերին Կնեսետի կրթության եւ մշակույթի հանձնաժողով էր ներկայացրել ձախ ուղղվածության «Մերեց» կուսակցությունը, որին աջակցել է Իսրայելի վարչապետ Նեթանյահուի գլխավորած «Լիկուդ» կուսակցությունը: Հայոց ցեղասպանության ճանաչումը քննարկելու պահանջը խորհրդարանական հանձնաժողովում հավանության էր արժանացել ձայների մեծամասնությամբ: Մինչ կրթության հանձնաժողով ուղարկելը, Կնեսետի նիստում բոլոր մասնակիցները, այդ թվում Քնեսետի նախագահը, պաշտպանել են քննարկումները շարունակելու որոշումը, ընդգծելով, որ Թուրքիայի հետ Իսրայելի հարաբերությունները չպետք է Հայոց ցեղասպանությունը չճանաչելու պատճառ դառնան: Հայոց ցեղասպանության ճանաչման հարցը Կնեսետի կրթության եւ մշակույթի հանձնաժողովում ներկայացրած «Մերեց» ձախ կուսակցության անդամ Զահավա Գալ-Օնը NEWS.am-ի թղթակցի հետ զրույցում ավելի վաղ նշել էր, որ Հայոց ցեղասպանության ճանաչումը Իսրայելի պարտականությունն է:
Օգոստոս 12, 2011 | 08:11 