Կնեսեթի խոսնակը Իսրայելի կառավարությանը կոչ է արել ճանաչել Հայոց ցեղասպանությունը
[ ]
23.06.2015, 11:17
Իսրայելի խորհրդարանի՝ Կնեսեթի խոսնակ Յոել Էդելշտեյնն Իսրայելի կառավարությանը կոչ է արել ճանաչել Օսմանյան Կայսրության կողմից 1915 թվականին հայ ժողովրդի դեմ իրականացված Ցեղասպանությունը:
Նա կոչը հնչեցրել է երեքշաբթի, խորհրդարանում՝ թեմայի վերաբերյալ հատուկ քննարկման ժամանակ: Այս մասին տեղեկացնում է The Jerusalem post-ը:
«Գաղտնիք չէ, որ Իսրայելը չափազանց հակասական դիրքորոշում է ընդունել Հայոց ցեղասպանության հարցում: Մենք՝ հրեաներս, ովքեր դեռ տառապում ենք Հոլոքոստի ազդեցությունից, չենք կարող նվազագույնի հասցնել ողբերգությունը»,- հայտարարել է Կնեսեթի խոսնակը:
Էդելշտեյնը կառավարությանը կոչ է արել վերանայել իր քաղաքականությունը, նշելով, որ ինքն անցած ամիս Կնեսեթից պատվիրակություն է ուղարկել Երեւան, իսկ կառավարությունը՝ ոչ: Մանրամասները տեսանյությում հաղորդում է Երուսաղեմի ՀՅԴ հայ դատի երուսաղեմի գրասենյակի ներկայացուցիչը:
