«Թուրքիայի կողմից 1915թ.-ին քրիստոնյա հայերի բնաջնջումը, որի արդյունքում մեկ ու կես միլիոն մարդ զոհվեց, հաճախ մոռացվում է»: Հեղինակ` Ռիչարդ Դեաթոն, Օտտավա Սիթիզեն
Կրակից ծնված պատմության զոհերը դատապարտված են հիշատակման. հուլիսի 19:
Առաջին գրի առնված օրինակներում` Հին Կտակարանում, հրամայվել էր ոչնչացնել մադիանացիներին: Ավելի ուշ հռոմեացիները ոչնչացրեցին կարթագենացիներին (ժամանակակից Թունիս): 14-ից 17-րդ դարերի ընթացքում Եվրոպան ենթարկվեց կրոնական պատերազմների, այդ թվում Հարյուրամյա պատերազմը և Բարդուղիմեոսի օրվա կոտորածները: Իսպանացիների կողմից Նոր Աշխարհի նվաճումը 15-րդ և 16-րդ դարերում և դրան հաջորդած բրիտանական տարածքների ընդլայնումը Հյուսիսային Ամերիկայում, 10-ից 16 մլն տեղի ազգաբնակչության մահվան պատճառ հանդիսացան` համաճարակների, սովամահությունների, կոտորածների, կողոպուտների և կրոնափոխությունների արդյունքում: 18-րդ և 19-րդ դարերի ընթացքում մոտ 10 մլն սևամորթ մահացավ Ամերիկա որպես ստրուկներ տեղափոխվելու ժամանակ: 19-րդ դարի վերջին Բելգիայի թագավոր Լեոպոլդ III-ը մոտ 10 մլն սևամորթների շահագործեց և կոտորեց Բելգիական Կոնգոյում գտնվող կաուչուկի իր արտադրամասում: Համաձայն ՄԱԿ-ի 1985-ի Ուիթաքերի զեկույցի, 20-րդ դարի առաջին ցեղասպանությունը տեղի ունեցավ Նամիբիայում, երբ գերմանացիները ոչնչացրեցին Հերերո և Նամա ցեղերի երկու երրորդը (1903 և 1905): Թուրքիայի կողմից 1915թ.-ին քրիստոնյա հայերի բնաջնջումը, որի արդյունքում մեկ ու կես միլիոն մարդ զոհվեց, հաճախ մոռացվում է: Դաշնակիցների գաղտնի ներթափանցումը սովետական քաղաքացիական պատերազմի մեջ միլիոնավոր մարդկանց մահվան պատճառ դարձավ 1921-ի սովի ժամանակ: Ըստ պատմաբանների տվյալների` 40-45 մլն մարդ է սպանվել Երկրորդ համաշխարհային պատերազմի ժամանակ, այդ թվում 20-25 մլն սովետական բանակից և 15 մլն` չինական: Նյուրմբերգի դատական գործընթացների համար պատրաստաված Ռայթլինգերի տվյալների համաձայն, 5.7 մլն հրեաներ են սպանվել նացիստների կողմից: Տորոնտոյի համալսարանից Միքայել Մարրուսը, ով համարվում է աշխարհի ամենահայտնի հոլոքոստագետներից մեկը, նշել է, որ «Տարբեր խմբերի և ազգերի մարդկանց կարելի էր գտնել ճամբարներում, ովքեր խեղդամահ էին արվում և մահվան դատապարտվում. նրանց թվում էին գնչուներ, հոգեպես հիվանդ գերմանացիներ, սովետական ռազմագերիներ, հականացիստական լեհեր և շատ ուրիշներ»: Համաշխարհային պատերազմին հաջորդած ժամանակաշրջանում եղել են ցեղասպանության առնվազն 25 դեպքեր, այդ թվում Հնդկաստանի և Պակիստանի բաժանումը, Ինդոնեզիան, Բիաֆրան, Չիլին, Կենտրոնական Ամերիկան, քուրդերը, Կամբոջան, Էրիտրեա Կոնգոն, Ուգանդան, Ռուանդան, Սուդանը և Բալկանները: Այս օրինակները վկայում են, որ ոչ մի կրոնական, ռասայական, մշակութային կամ քաղաքական խումբ չի եղել հովանավորված կամ կանխամտածված ցեղասպանության միակ և բացառիկ զոհը: Ցեղասպանության երկար և մռայլ պատմության բոլոր զոհերը արժանի են հիշատակման:
