|
Յաֆֆո և Հայֆա քաղաքների հոգևոր հովիվ, հայր Ավետիս վարդապետ Իբրաջյանը ծաղկազարդի ծիսակատարության ժամանակ
Ապրիլի 11 - ին Յաֆֆոյի Սուրբ Նիկողայոս վանքում տոնվեց Ծաղկազարդը:
Մեկ օր շուտ տոնվեց այն երկրի կենտրոնում, քանզի հաջորդ օրը հայ հավատացյալները մեկնեցին Երուսաղեմ, որտեղ էլ տեղի ունեցան հիմնական արարողությունները:
Բոլոր նրանք, ովքեր համբերատար անցել են Մեծ պահքի 6 շաբաթները, մոտենում են պահեցողության վերջին հանգրվանին։ Ծաղկազարդին հաջորդում է Ավագ շաբաթը։ Բոլոր այդ 7 օրերն ամբողջապես նվիրված են Հիսուս Քրիստոսի երկրային կյանքի վերջին օրերին եւ խորհրդանշում են Քրիստոսի ուսուցումները, չարչարանքները, խաչելությունը եւ Հրաշափառ Հարությունը։
Այժմ այս տոնի մասին մի փոքր ավելի մանրամասն՝
Ծաղկազարդը խորհրդանշում ե Հիսուս Քրիստոսի մուտքը Երուսաղեմ։ Հրեաները ծաղիկներով դիմավորեցին Հիսուսին զարդարելով նրա ճանապարհը դեպի Երուսաղեմ: Հայր Ավետիսի անմիջական նախաձեռնությամբ իսկական տոնական տեսք էր ստացել Յաֆֆոյի Սուրբ Նիկողայոս վանքը, շատ հայեր մասնակցեցին մոտ մեկ ու կես ժամ տևած պատարագին:
Հայերը՝ պատարագի ժամանակ
Ծիսակատարությունը շարունակվեց վանքի բակում:
Արմավենու ոստերն ու ձիթենիների տերևներով զարդարված և որհնված մոմերը հայ հավատացյալները տուն տարան՝ այդպիսով լույս տանելով եկեղեցուց և լուսավորելով և զարդարելով իրենց օջախները:
Պետախ-Տիկվայի «Նաիրի» և «Արարատ» միության անդամներն եկեղեցու սրահում
12.04.2009թ.
Իսրայելահայերի Պետախ-Տիկվայի «Նաիրի» միություն
| 
